លោកអ្នកកំពុងតែនៅក្នុង

  • គោលដៅជីវិត
  • សេវាកម្មធនាគារ ប្រចាំថ្ងៃ
  • ប្រើសេវាធនាគារយើងខ្ញុំ
  • កម្មវិធីពិសេស
  • ជំនួយ និង ការគាំទ្រ
  • តំណ​ភ្ជាប់​រហ័ស
វិធីសាស្រ្តសន្សំ
រៀបចំផែនការសម្រាប់ អនាគតរបស់ខ្ញុំ
គន្លឹះធ្វើដំណើរ
គណនី
ប័ណ្ណឥណទាន
ហិរញ្ញប្បទាន
សេវា​ផ្ទេរ​ប្រាក់
ឧបករណ៍
កម្មវិធីពិសេសថ្មីៗ
អត្រា និង ការបង់ប្រាក់
សំណួរ ដែលសួរញឹកញាប់

រាត្រីទឹកឃ្មុំ! វិស្សមកាលគូស្នេហ៍ដំបូង ក្រោយអាពាហ៍ពិពាហ៍! លោកអ្នកពិតជាចង់ឲ្យវាពិសេសអស្ចារ្យ ដែលជាចំណងដៃដំបូង នៃជីវិតអាពាហ៍ពិពាហ៍របស់អ្នក។ លោកអាចបង្កើតអនុស្សាវរីយ៍មិនអាចបំភ្លេចបាន ដែលត្រូវបានចង់ចាំតកូនតចៅ!

 

នៅពេលជជែកពីការរៀបចំផែនការដំណើរកម្សាន្តក្រេបទឹកឃ្មុំល្អឥតខ្ចោះ លោកអ្នកគួរសិក្សាស្វែងយល់ឲ្យបានស៊ីជម្រៅ ដើម្បីអបអរជីវិតអាពាហ៍ពិពាហ៍របស់អ្នក។

 

ប្រសិនបើលោកអ្នកបានរៀបចំផែនការរួចរាល់ហើយ នេះគឺជាគន្លឹះមួយចំនួន ដែលធ្វើឲ្យកញ្ចប់ថវិការបស់អ្នក ផ្តល់ឲ្យលោកអ្នកវិញល្អបំផុត៖

កំណត់ចំណុចអាទិភាព

តើលោកអ្នកចង់ធ្វើអ្វីខ្លះ? តើលោកអ្នកចង់ចំណាយអស់ប៉ុន្មាន? តើលោកអ្នកចង់បានវិស្សមកាល បែបលម្ហែកាយ ឬដំណើរកម្សាន្ត បែបផ្សេងព្រេង?

 

ក្រោយពេលលោកអ្នកសម្រេចចិត្តរួចហើយ សូមចាប់ផ្តើមរៀបចំកញ្ចប់ថវិកា សម្រាប់ដំណើរកម្សាន្តក្រេបទឹកឃ្មុំរបស់អ្នក។ ប្រព័ន្ធអនឡាញ គឺជាទីកន្លែង ដែលល្អបំផុត សម្រាប់ការសិក្សាស្រាវជ្រាវរបស់អ្នក ឬក៏លោកអ្នកអាចទាក់ទងមគ្គុទេសទេសចរណ៍ ដើម្បីស្វែងរកកញ្ចប់ដំណើរកម្សាន្ត ដែលសាកសមបំផុតនឹងតម្រូវការរបស់អ្នក។ ទាំងអស់នេះ គឺជាគន្លឹះចង្អុលបង្ហាញមួយចំនួន នៅពេលរៀបចំកញ្ចប់ថវិកា​ សម្រាប់ដំណើរកម្សាន្តក្រេបទឹកឃ្មុំរបស់អ្នក៖

 

  • កំណត់គោលដៅទេសចរណ៍សមល្មម ដូចជាជ្រើសរើសទីកន្លែងណា ដែលមិនសូវល្បីខ្លាំង។ លោកអ្នកអាចទទួលបានជើងហោះហើរ និងជម្រើសស្នាក់នៅហូបចុកធូរថ្លៃល្មម។
 
  • ធ្វើដំណើរទៅគោលដៅទេសចរណ៍ពេញនិយម ដូចជាទីក្រុងប៉ារីស ឬកោះបាលី? ដើម្បីសម្រាលថ្លៃចំណាយ លោកអ្នកគួរស្វែងរកជម្រើសសន្សំសំចៃផ្សេងទៀត ដូចជានៅលើ AirBnB ឬគេហទំព័រ ដែលផ្តល់សេវាកន្លែងស្នាក់នៅ និងអាហារពេលព្រឹក ក្នុងតម្លៃសមរម្យ។

សន្សំពីថ្លៃចំណាយអាពាហ៍ពិពាហ៍

ប្រសិនបើលោកអ្នក និងដៃគូរបស់អ្នក ព្រមព្រៀងគ្នាជាក់លាក់ នូវដំណើរកម្សាន្តក្រេបទឹកឃ្មុំ នៅគោលដៅទេសចរណ៍ពេញនិយមណាមួយ លោកអ្នកអាចកាត់បន្ថយចំណាយ លើសម្ភារៈ និងការតុបតែងមិនចាំបាច់នានា ក្នុងពិធីអាពាហ៍ពិពាហ៍ ដើម្បីដាក់ចូលក្នុងកញ្ចប់ដំណើរកម្សាន្តក្រេបទឹកឃ្មុំរបស់អ្នក។ ចំណុចនេះនឹងមិនបន្ថែមចំណាយរបស់អ្នកនោះទេ។

កក់សំបុត្រយន្តហោះទុកមុន

កក់សំបុត្រយន្តហោះកាន់តែបានមុន កាន់តែធូរថ្លៃ។ រៀបចំផែនការដំណើរកម្សាន្តក្រេបទឹកឃ្មុំរបស់អ្នក ក្នុងរដូវកាលធម្មតា ឬកក់សំបុត្រយន្តហោះ នៅពេលមានកម្មវិធីបញ្ចុះតម្លៃ អាចជួយសន្សំថវិការបស់អ្នកមួយកម្រិតផងដែរ។

ធ្វើដំណើរកម្សាន្ត ដោយសេវាដឹកជញ្ជូនសាធារណៈក្នុងស្រុក

ប្រសិនបើកញ្ចប់ថវិការបស់អ្នកអ្នកមានកម្រិត លោកអ្នកមិនគួរខ្ជះខ្ជាយលើរបស់គ្មានប្រយោជន៍ឡើយ ជាពិសេសមធ្យោបាយធ្វើដំណើរតែម្តង។ លោកអ្នកអាចបន្ថយចំណាយជិតពីរដង ដោយប្រើប្រាស់មធ្យោបាយធ្វើដំណើរសាធារណៈ បើធៀបនឹងការជិះរថយន្តតាក់ស៊ី ឬឡានទេសចរណ៍។ ជាមួយគ្នានេះ លោកអ្នកអាចរីករាយទស្សនាទេសភាពទីក្រុង និងស្វែងយល់ពីរបៀបរស់នៅប្រចាំថ្ងៃរបស់ម្ចាស់ស្រុកផងដែរ។

បង្កើនថវិការបស់អ្នក មុននឹងធ្វើដំណើរកម្សាន្ត

ប្រសិនបើអ្នកទាំងពីរកំពុងសន្សំប្រាក់ សម្រាប់ដំណើរកម្សាន្តរួចហើយក៏ដោយ ថវិកាបន្ថែមប្រាកដជាជួយធ្វើឲ្យដំណើរកម្សាន្តរបស់អ្នកកាន់តែសម្បូរបែប។

 

ប្រសិនបើលោកអ្នកមិនទាន់ចាប់ផ្តើមសន្សំទេ លោកអ្នកអាចស្វែងរកឱកាសផ្សេងទៀត ដើម្បីបង្កើនប្រាក់របស់អ្នក។ ការវិនិយោគរយៈពេលខ្លី ដូចជាការដាក់ប្រាក់បញ្ញើមានកាលកំណត់ រយៈពេល ៣ខែ ទៅ​ ៦ខែ អាចចំណេញអត្រាការប្រាក់បន្ថែមផងដែរ។

 

នៅពេលរៀបចំកញ្ចប់ថវិកាបានល្អហើយ លោកអ្នកអាចនិយាយដោយរីករាយថា «រួចរាល់ហើយ» ទៅកាន់គូស្នេហ៍របស់អ្នក។

 

សូមអបអរសាទរ!

 

អត្ថបទនេះ នាំមកជូនដោយធនាគារ ស៊ីអាយអិមប៊ី ដែលជាផ្នែកមួយនៃកិច្ចប្រឹងប្រែងរបស់ធនាគារ ក្នុងការលើកកម្ពស់កម្រិតនៃការយល់ដឹង ផ្នែកហិរញ្ញវត្ថុ សម្រាប់ប្រជាជនកម្ពុជា។ ចំណេះដឹង និងការយល់ដឹង ផ្នែកហិរញ្ញវត្ថុ គឺជាគន្លឹះសំខាន់ សម្រាប់ធ្វើការសម្រេចចិត្ត ផ្នែកហិរញ្ញវត្ថុ ដោយគ្រប់ជ្រុងជ្រោយ និងផ្តល់អត្ថប្រយោជន៍ខ្ពស់ ដែលទាំងអស់នេះនឹងជួយលើកស្ទួយសុខុមាលភាពរបស់យើងទាំងអស់គ្នា។ ស្របជាមួយគ្នានេះ វាជួយសម្រេចទីសដៅរបស់ធនាគារ ស៊ីអាយអិមប៊ី ដើម្បីភាពប្រសើរឡើងរបស់អតិថិជន និងសង្គមជាតិទាំងមូល។


អ្នកប្រហែលជាអាចចូលចិត្ត

ផលិតផលដែលទាក់ទង សម្រាប់អ្នក