ឥណទានបុគ្គល

ធនាគារប្រើប្រាស់ប៉ារ៉ាម៉ែត្រឥណទានផ្ទៃក្នុង ដើម្បីវាយតម្លៃទៅលើឥណទាននោះ។ វិធីសាស្រ្តនេះ មិនត្រូវបានបង្ហាញជូនដល់អតិថិជននោះទេ។ អតិថិជនខ្លះត្រូវបានបដិសេធ ទោះបីជាពួកគាត់មានកញ្ចប់ប្រាក់ខែសមរម្យក៏ដោយ។ ហេតុផលដែលអាចទៅរួច គឺថាអ្នកដាក់ពាក្យស្នើសុំឥណទាន ប្រហែលជាអាចមានឥណទានជាច្រើនទៀត ដែលមិនទាន់បានបង់ផ្តាច់ ដែលធនាគារពិបាកក្នុងការដាក់បន្ទុកដល់អ្នកដាក់ពាក្យសុំជាមួយនឹងបំណុលបន្ថែម។ ហេតុផលមួយទៀតដែលអាចកើតមាន គឺបញ្ហាទាក់ទងនឹងប្រវត្តិឥណទានដូចជាការទូទាត់យឺតច្រើនដង ឬបញ្ហាធំដូចជាបំណុលលុបចោលនៅក្នុងរបាយការណ៍របស់ ការិយាល័យឥណទានកម្ពុជា។ ប្រសិនបើអតិថិជនមានហេតុផលដែលអាចអោយជឿជាក់បានថា របាយការណ៍នេះមានកំហុស គាត់មានសិទ្ធិក្នុងការទាមទារអោយ ការិយាល័យឥណទានកម្ពុជា ធ្វើការកែតម្រូវឡើងវិញ។ នៅទីបញ្ចប់ ធនាគារអនុវត្តឆន្ទានុសិទ្ធនៅពេលដែលមានការនិយាយពិភាក្សាពីការសម្រេចចិត្តចុងក្រោយ។