ធនាគារប្រើប្រាស់ប៉ារ៉ាម៉ែត្រឥណទានផ្ទៃក្នុង ដើម្បីវាយតម្លៃការស្នើសុំឥណទាន។ វិធីសាស្រ្តសិក្សារនេះ មិនត្រូវបានបង្ហាញជូន ដល់អតិថិជនទេ។ អតិថិជនខ្លះត្រូវបានបដិសេធ ទោះបីជាពួកគាត់មានប្រាក់ខែសមរម្យក៏ដោយ។ ហេតុផលផ្សេងៗ គឺថាអ្នកស្នើសុំ ប្រហែលជាកំពុងជាប់ឥណទានច្រើនស្រាប់ ដែលធនាថគារពិបាក ក្នុងការដាក់បន្ទុកអ្នកស្នើសុំ ជាមួយនឹងបំណុលបន្ថែម។ ហេតុផលមួយទៀត អាចពាក់ព័ន្ធនឹងប្រវត្តិឥណទាន ដូចជាការបង់សងយឺតច្រើនដង ឬ បញ្ហាធំដុំណាមួយ ដូចជាជាប់ឈ្មោះមិនល្អ ក្នុងរបាយការណ៍របស់ ការិយាល័យឥណទានកម្ពុជា។ ប្រសិនបើអតិថិជនមានហេតុផល ដែលអាចបញ្ជាក់ថា របាយការណ៍នោះមានការភ័ន្តច្រឡំ ពួកគេមានសិទ្ធិទាមទារឲ្យការិយាល័យឥណទានកម្ពុជា ធ្វើការកែតម្រូវឡើងវិញ។ ចុងបញ្ចប់ ធនាគារអនុវត្តឆន្ទានុសិទ្ធិ ទៅលើការសម្រេចចិត្តចុងក្រោយ។
