ជូនចំពោះអតិថិជនជាទីគោរព!
សេចក្តីជូនដំណឹងនេះ គឺទាក់ទងនឹងការព្រមព្រៀងរបស់លោកអ្នក ជាមួយធនាគារស៊ីអាយអិមប៊ី ភីអិលស៊ី (“ធនាគារ”) លើបញ្ញាតិ្ត និងលក្ខខណ្ឌគ្រប់គ្រងប្រតិបត្តិការគណនីបញ្ញើ និងបញ្ញាតិ្ត និងលក្ខខណ្ឌរបស់គណនីកុមារ (ជារួមហៅថា «បញ្ញាតិ្ត និងលក្ខខណ្ឌ»)។
ដោយមានការបេ្តជ្ញាចិត្ត នៃការផ្តល់ជូននូវសេវាកម្មធនាគារ ជូនអតិថិជនឲ្យកាន់តែល្អប្រសើរ និងមានប្រសិទ្ធភាព ធនាគារ ស៊ីអាយអិមប៊ី ភីអិលស៊ី សូមជម្រាបជូនដំណឹង ដល់អតិថិជនទាំងអស់ថា ធនាគារយើងខ្ញុំសូមផ្តល់ជូន ផលិតផលគណនីកុមារថ្មី ចាប់ពីថ្ងៃទី០១ ខែសីហា ឆ្នាំ២០១៨ នេះតទៅ។
ផលិតផលគណនីកុមារថ្មីផ្តល់ជូនអត្រាការប្រាក់ ១,៦៨% ក្នុងមួយឆ្នាំ និងបន្ថែមជាមួយនឹងការធានារ៉ាប់រង ទៅលើគ្រោះថ្នាក់បុគ្គលធានា លើម្ចាស់គណនីតែម្នាក់ ឬម្ចាស់គណនីរួម ដែលផ្តល់ប្រាក់សំណង ស្មើនឹងចំនួនសមតុល្យទឹកប្រាក់ ក្នុងគណនីកុមារ រហូតដល់ ១០០.០០០ ដុល្លារអាមេរិក។
សូមលោកអ្នកមេត្តាជ្រាបថា គណនីកុមាររបស់លោកអ្នក នឹងត្រូវផ្លាស់ប្តូរដោយស្វ័យប្រវត្តិ ទៅគម្រោងគណនីកុមារថ្មី ចាប់ពីថ្ងៃទី០៦ ខែកញ្ញា ឆ្នាំ២០១៨ តទៅ ដោយអនុវត្តតាមលក្ខខណ្ឌថ្មី។
គណនីកុមារថ្មី ផ្តល់ជូនការការពារអនាគតរបស់បុត្រធីតាលោកអ្នក ដែលភ្ជាប់មកជាមួយនឹងអត្ថប្រយោជន៍បន្ថែមដទៃទៀត ដើម្បីបំពេញតម្រូវការរបស់លោកអ្នក។ យើងខ្ញុំរីករាយទទួលយក និងដោះស្រាយរាល់សំណួររបស់លោកអ្នក ដែលទាក់ទងនឹងអត្ថប្រយោជន៍សំខាន់ៗ នៃផលិតផលគណនីកុមារថ្មីរបស់យើងខ្ញុំ។
សម្រាប់ព័ត៌មានបន្ថែម សូមមកកាន់សាខាណាមួយរបស់ធនាគារ ស៊ីអាយអិមប៊ី ដែលនៅជិតលោកអ្នក ឬទូរសព្ទមកការិយាល័យទំនាក់ទំនងអតិថិជនលេខ ០២៣ ៩៨៨ ៣៨៨ (២៤ម៉ោង)។
ដោយក្តីគោរព
ធនាគារ ស៊ីអាយអិមប៊ី ភីអិលស៊ី
